Azərbaycan Respublikası Milli Məclisinin deputatı və Avropa Şurası Parlament Assambleyasında (AŞPA) Azərbaycan nümayəndə heyətinin üzvü

Mehdi Mehdizadəni uzun illərdir şəxsən tanıyıram. Onu yalnız istedadlı müəllif kimi deyil, Azərbaycan ədəbiyyatını, tarixini və mədəniyyətini dərindən bilən, bu sahələrə böyük maraq və sevgi ilə yanaşan ziyalı bir insan kimi də yüksək qiymətləndirirəm.

Mehdinin yaradıcılığında məni xüsusilə cəlb edən məqam onun adi görünən həyat hadisələrinin arxasında böyük insani mənalar görə bilməsidir. O, müşahidə etdiyi və ya xatırladığı hadisələri sadəcə nəql etmir, onların arxasında dayanan hissləri, insan xarakterini və həyatın incə məqamlarını oxucuya çatdırır. “Təcili Tibbi Yardım” hekayəsində də bu xüsusiyyəti aydın görmək mümkündür. Uşaqlıq xatirəsi üzərindən ölüm, həyat, qorxu, mərhəmət və insan taleyi haqqında çox sadə, amma düşündürücü bir hekayə qurulur.

Mehdinin Azərbaycan ədəbiyyatına və mədəniyyətinə olan dərin bağlılığı onun dünyagörüşündə və yazı üslubunda özünü göstərir.

İnanıram ki, Mehdi Mehdizadənin yaradıcılığı Azərbaycan ədəbiyyatında özünəməxsus yeri olan dəyərli ədəbi nümunələr kimi oxucular tərəfindən maraqla qarşılanacaq. Onu uzun illərdir yaxından tanıyan biri kimi, hekayələrini tövsiyə edirəm.